FAQ yo

Ou gen yon kesyon? Jwenn repons pou kesyon ki poze souvan yo isit la.

Kiyès ki Community Care Plan?

Community Care Plan (CCP), plan sante ki gen kè, te etabli an 2000 epi li posede pa Broward Health ak Memorial Healthcare System. CCP te premye epi li rete rezo sèvis founisè (Provider Service Network – PSN) ki gen plis tan nan eta a.

Kominote a pa sèlman yon pati nan non nou; li vrèman reprezante kiyès nou ye. Misyon nou se bati kominote ki an sante, epi nou fè sa lè nou jwe yon wòl kle pou asire ke chak kominote gen aksè a swen sante bon jan kalite ak abòdab. Plan sante nou yo kouvri yon gran varyete sèvis medikal epi yo ofri doktè bon jan kalite ak lòt benefis siperyè ki ede manm yo rete an sante.

Nou sèvi plis pase 100,000 manm nan Florida Healthy Kids, Medicaid; plan komèsyal, plan sante anplwaye ki gen oto-asirans; ak pwogram patwone. Nou kolabore ak plis pase 130 òganizasyon kominotè. Community Care Plan gen akreditasyon nan men National Committee for Quality Assurance (NCQA) ak Accreditation Association for Ambulatory Health Care (AAAHC) kòm yon Plan Sante.

Pou plis enfòmasyon sou Community Care Plan, tanpri vizite CCPcares.org.

Ki jan mwen ka vin patnè avèk oswa pataje sèvis ak resous ou yo nan HEART Community Resource Center?

Voye yon imèl nan info@ourheart.org ak non ou, nimewo telefòn ou, òganizasyon ou, ak yon ti deskripsyon sou sèvis ak resous ou ka bay. Nou pral reponn ou pi vit ke posib!

Ki kalite klas ou yo ofri?

Sant Resous Kominotè HEART ofri anpil pwogram enteresan pou yon lavi kontan ak an sante, ki enkli:

Sante konpòtman
Alèt tèt (breastfeeding)
Kwit manje an sante
Fòmasyon travay
Jere tansyon
Nitrisyon
Paran
Gwoup sipò
… ak plis ankò

Nou toujou ap ajoute evènman, kidonk tcheke souvan!

Si mwen pa yon manm Community Care Plan, èske mwen ka toujou patisipe nan evènman yo?

Natirèlman – tout moun byenveni! Manm Community Care Plan ak moun ki pa manm yo ka patisipe nan evènman nan HEART Community Resource Center.

Èske gen yon pri pou fè pati HEART Community Resource Center oswa ale nan klas yo?

Tout evènman ak resous yo 100% GRATIS!

Kisa ki fèt si mwen rate yon pwogram?

Gen kèk nan pwogram nou yo ki pral anrejistre epi ou ka jwenn yo nan seksyon Evènman yo, anba kategori Sou-Demann (On-Demand).