English
Español
Hatian CreoleFinalman, yon Sant pou OU!
Sant Resous Kominotè HEART
Yon sant kote ou ka jwenn sipò ou bezwen, aprann bagay nouvo, epi fè koneksyon.
Lauderdale Lakes Marketplace
3736 W. Oakland Park Blvd.
Lauderdale Lakes, FL 33311
Telefòn # 954-622-3400
Men sa w ap jwenn nan HEART:
- Gwoup sipò pou konekte ak lòt moun.
- Sipò pou travay sou CV ak entèvyou.
- Òdinatè ak aksè entènèt.
- Klas sou manje, egzèsis, ak finans pou tout nivo.
- Sèvis gadri, resous kominotè, ak plis ankò!
- Yon Sant Swen Matènite Broward HealthPoint.
Orè nou yo:
- Lendi 10am-7pm
- Madi 8:30am-5pm
- Mèkredi 8:30am-5pm
- Jedi 8:30am-5pm
- Vandredi 8:30am-5pm
Gade evènman chak semèn nou yo!
WÈ TOUT EVÈNMAN YO
KESYON MOUN POZE Kidz Korner SOUVAN
Nan Kidz Korner, sa nou fè se ògànize yon espas ki san danje, ki enteresan, epi ki patisipatif pou pitit ou, an menm tan nou ka bennefisye resous ki nan sant lan. Kit pitit ou a vle esplore, owa jwe, owa fè nouvo zanmi, nou genyen tout sa li bezwen. An nou fè vizit ou pase san tèt chaje, epi yon plezi pou tout fanmi an!
Nan ki laj yon timoun ka vini nan Kidz Korner?
Kidz Korner fèt pou tibebe ki fenk fèt, jiska laj 13 an. Si yon timoun pako aprann ale nan vaz, epi kouchèt li bezwen chanje, se paran oswa moun ki responsab li ki dwe chanje li.
Konbyen tan yon timoun kapab rete nan Kidz Korner?
Timoun yo ka rete jwe jiska 2 èdtan chak jou. Paran oswa moun ki responsab timoun lan dwe rete nan sant lan, pandan timoun lan nan Kidz Korner. N ap remèt timoun lan sèlman bay moun majè ki te mennen li an.
Èske mwen ka mennen pitit mwen an nan Kidz Korner si li malad?
Non. Pou pwoteje tout moun, nou mande pou yon timoun rele lakay li jouktan:
- Timoun lan pase omwen 24 èdtan san li pa gen lafyèv.
- Sante jenneral timoun lan vin pi bon pandan omwen 24 èdtan.
- Vomisman yo amelyore, epi timoun lan kapab kenbe manje ak likid nan vant li nan maten.
- Dyare a amelyore, epi timoun lan pa gen “aksidan” ki rive li ankò.
Pou plis enfòmasyon sou lè timoun lan kapab retounen san danje, klike isit la.
Èske timoun yo mèt pote pwòp jwèt yo nan Kidz Korner?
Non. Kidz Korner gen jwèt ki san danje pou tout timoun. Tanpri, kite jwèt pitit ou lakay ou.
Èske gen yon kòd vestimantè pou pitit mwen nan Kidz Korner?
Nou konseye pou mete rad sou timoun yo ki fè yo alèz. Pou rezon sekirite, tanpri pa mete rad sou timoun yo ki genyen lasèt k ap pandye, ni lòt bagay ki ka gen danje pou trangle yo.
Kisa mwen dwe fè, si pitit mwen an genyen alèji oswa bezwen espesyal?
Tanpri fè pèsonnèl Kidz Korner la konnen davans si pitit ou a gen alèji, oswa bezwen espesyal. Pèsonnèl nan jadendanfan an pa bay timoun medikaman.
Sa k ap rive si pitit mwen an kontrarye, oubyen li pa aji byen?
Si yon timoun montre li pa kontan, oubyen bay traka pandan plis pase 15 minit, paran oswa responsab timoun lan dwe retounen vin jwenn li. Apre twa ka konsa rive, timoun lan pa pral envite pou tounen ankò.
Paran oswa responsab timoun lan ap gen pou pran chaj tout dega timoun lan lakòz. Lè ou vini nan Kidz Korner, sa vle di ou asepte pou w pa rann HEART responsab pou okenn aksidan ni dega ki rive pandan vizit timoun lan.
Kominote a voye tout "Heart" (tout Kè) li ba ou!
Sant Resous Kominotè HEART la pou sèvi ou! Pase wè nou pou konnekte, pou jwenn sipò, ak pou gade kouman nou ede kominote a mache men nan men.
